StartUP Academy– Përshpejtues i Zhvillimit të të Rinjve në Shkodër.

Akademia StartUP është një projekt i mbështetur nga Ambasada Amerikane në Tiranë dhe zbatuar nga Qendra Rinore ARKA.

Projekti ka si qëllim të fuqizojë të rinjtë nga mosha 18-29 vjec, në zonat urbane dhe rurale në rajonin e Shkodrës. Ata do të mbështeten për të zhvilluar dhe për të zbatuar idetë inovative të biznesit në praktikë.

Ky projekt do të ndikoje në krijimin e më shumë mundësive të punësimit dhe do të inkurajojë të rinjtë, që të mos largohen nga qytetet e tyre për të kërkuar mundësi më të mira punësimi jashtë Shkodrës ose jashtë vendit.
Sipërmarrësit e rinj do të pajisen me të gjitha aftësitë e nevojshme për të planifikuar, zbatuar dhe drejtuar bizneset e tyre.

Ajo që është e rëndesishme të theksohet është që STARTUP Academy do të jetë një program i përhershëm dhe që do te zhvillohet cdo vit pranë Qendres Rinore ARKA.

Materialet trajnuese do të jenë të hapura për të rinjtë nëpërmjet platformës online Shkodra Startups.

Akademia StartUP

Akademia StartUP, e programuar te zhvillohet me 10 module në 10 fundjava (te premten mbasdite dhe të shtunën gjithë ditën me pjesmarrjen fizikisht të 20 të dhe pjesmarrjen e 20 të tjerëve online nga Puka, Malësia e Madhe, Vau Dejës dhe Fushë Arrëz).

Organizimi i “Pitch Idea Competition”

Organizimi i eventit te prezantimit të idevë të biznesit me pjesëmarrjen e jurisë me përfaqësues nga Universiteti Luigj Gurakuqi, AKPA Shkodër dhe sipërmarrja lokale, e cila do të vendosë për 3 idetë më të mira, si dhe do të jape sugjerime për përmirësimin e prezantimeve.

Krijimi i rrjetit të sipërmarrësve të rinj

Me anë të thirrjes së shpallur për rrjetin e sipërmarrësve do të krijohet rrjeti i sipërmarrësve të rinj në Qarkun Shkodër të cilët do të mentorohen në 6 ditë mbi: Kuadri Ligjor dhe Fiskal, Ngritja e Fondeve, Marketing dhe Aplikimi te Fondi i Startup-ve hapur nga Ministria e Mbrojtjes së Sipërmarrjes.

Ndërgjegjësimi i të rinjve per t’u bëre sipërmarrës dhe institucioneve për mbështetjen e startupeve.

Ndërgjegjësimi mbi rëndësinë e sipërmarrjes do të zhvillohet nëpërmjet 3 takimeve në formën tryezave të rrumbullakëta dhe takimeve informuese me autoritete lokale dhe qëndrore, sipermarrje dhe te rinj.